Turqia mbyll hapësirën ajrore në Irakun verior

Turqia ka mbyllur hapësirën e saj ajrore për fluturimet në Irakun verior për shkak të rreziqeve të supozuara të sigurisë, njoftoi sot Ministria e Jashtme, në Ankara. ‘Masa, e cila hyri në fuqi të hënën, ndikoi në uljen ose ngritjen e avionëve në Aeroportin Ndërkombëtar të Sulaymaniyah”, tha ministria, duke përmendur rreziqet e sigurisë për shkak të rritjes së aktiviteteve terroriste. “Terroristët e supozuar kanë infiltruar në aeroportin në Sulaymaniyah, të kontrolluar nga qeveria rajonale e Kurdistanit në Irakun verior, duke kërcënuar kështu sigurinë e fluturimeve”, tha Ankaraja, duke iu referuar Partisë së Punëtorëve të Kurdistanit (PKK) të jashtëligjshme. Pretendimi nuk mund të verifikohej në mënyrë të pavarur. “Vendimi fillimisht, do të jetë i vlefshëm deri më 3 korrik 2023 dhe do të rivlerësohet në varësi të zhvillimeve”, thuhet në deklaratë. “Kompania ajrore turke, “Turkish Airlines”, ka pezulluar fluturimet për në Sulaymaniyah që të mërkurën deri në një njoftim të mëtejshëm”, tha një zyrtar i kompanisë për DPA. Linja ajrore fluturonte dy herë në ditë për në Sulaymaniyah, një pikë kyçe për lidhjet e forta të biznesit dhe tregtisë së Turqisë me rajonin.