Laçi mundet në shtëpi nga Egnatia

Laçi e bën dramë, bie edhe në shtëpi duke i dhënë mundësinë Egnatias të marrë tri pikët e para në këtë sezon. Në sfidën e transmetuar në RTSH, gjithçka nisi e balancuar në lojë, por me kalimin e minutave ishte Mazrekaj që u përpoq ti jepte më shumë ritëm skuadrës kurbinase. Gjithsesi, tentativat e tij nuk surprizuan aspak portierin e rrogozhinasve, Sherri, i cili ishte gjithmonë i vëmendshëm për të evituar rrezikun. Në anën tjetër janë Xhekson dhe Delarzh që tentojnë portën e Dajsinanit, por pa rezultat duke bërë që pjesa e parë të mbyllet me rrjeta të paprekura. Pjesa e dytë do të sjellë dhe golin e vetëm të kësaj sfide me anë të Delarzh, i cili bën gjithçka në mënyrën e duhur për të dërguar topin në rrjetë. Egnatia arrin të gjejë dhe një gol të dytë po me Delarzh, por që kësaj radhe në lojë është futut VAR, që ka evidentuar një pozicion jashtë loje që rrjedhimisht ka sjellë dhe anullimin e tij. Ndërkohë, përpjekje dëshpëruese nga ana e kurbinasve, të cilët në fund janë dorëzuar dhe kanë pranuar verdiktin e 90 minutave. Pas tri javësh, kurbinasit mbeten në kuotën e tri pikëve(fitore 3-1 me Teutën në javën e parë), ndërsa pësojnë humbjen e dytë radhazi. Egnatia nga ana tjetër merr fitoren e parë pas dy humbjeve radhazi.https://sport.rtsh.al/artikull/laci-e-ben-drame-mundet-ne-shtepi-nga-egnatia