Euro dhe dollari amerikan zhvlerësohen

Monedhat e huaja, dollari amerikan dhe euro humbën lehtë terren këtë të martë në kursin e këmbimit me lekun, teksa poundi britanik u forcua. Sipas kursit zyrtar të Bankës së Shqipërisë, një dollar u këmbye me 101.43 lekë, duke humbur 0.05 pikë, ndërsa një euro u këmbye me 109.63 lekë, ose 0.04 lekë më pak se një ditë më parë. Poundi britanik u këmbye të martën me 127.85 lekë, ose 0.25 lekë më tepër, ndërsa franga zvicerane u këmbye me 114.66 lekë, ose 0.20 lekë më pak se dje.