Bylis, starti i Superiores me fitore

Bylis rikthehet me bujë në Kategorinë Superiore, ndërsa ka shfrytëzuar maksimalisht të luajturin në javën e parë në “Adush Muça”, atje ku ka pritur Kastriotin. Një pjesë e parë e luftuar nga të dyja palët, ndërsa përtej rasteve për shënim, gjithçka ka mbetur e bardhë pa gola. Pjesa e dytë duket se ka qenë çelësi i suksesit për skuadrën e Arjan Bellait. Në harkun kohor të tre minutave, Bylisi ka shënuar dy herë në portën krutane. Fillimisht realizon Entoni në të 65’, teksa me një lëvizje fantastike brenda zonës së rreptësisë krutane gjen golin e parë. Miqtë humbasin qetësinë dhe prej kësaj përfiton Bylisi, që shënon një eurogol me Kaçorrin në të 68’. E ky gola është ruajtur me fanatizëm deri në fund, ndërsa Bylis merr trepikëshin e parë të sezonit. Starti i kampionatit duket “fotokopje” e sezonit të kaluar për krutanët, që po në javën e parë, por asokohe në shtëpi, ishin mundur nga Dinamo. Ajo që i ka bërë nder skuadrës ballshiote ishte dhe mbështetja maksimale, ndërsa hyrja në stadiumin “Adush Muça” ishte falas.https://sport.rtsh.al/artikull/bylis-starti-i-superiores-me-fitore