Durrës, 5 800 tonë mallra po përpunohen në port

Në portin e Durrësit sot po përpunohen 6 anije me 5 800 tonë mallra. Autoriteti Portual Durrës bën të ditur se 3 anije tregtare me 5 800 tonë mallra dhe 1760 njësi kontejnerike janë në përpunim. Konkretisht 2 anije me 1.132 njësi kontejnerike janë në radën portuale dhe 1 anije me 387 njësi kontejnerike pritet të përpunohet në orët në vijim. Me vënien në funksion të sistemit operativ online Navis 4, ofrohet një standard i ri pune në fushën e përpunimit të kontejnerëve në portin e Durrësit. Porti i Durrësit është më i madhi në vend. Anijet tregtare që transportojnë mallra nga/drejt Durrësit kanë lundruar deri tani nga/drejt 67 porteve në 24 vende të botës.