Ronaldo, Nervoz

Për një lojtar si Cristiano Ronaldo, i njohur gjithashtu për lidhjen e tij me numrat dhe statistikat, ndeshja midis Manchester United dhe Sherif, e vlefshme për ditën e dytë të fazës së grupeve të Europa League, është e destinuar të ruajë një vend të rëndësishwm në histori, pwr golin e parë të shënuar nga CR7 në karrierën e tij në Europa League, një turne në të cilin Ronaldo kishte luajtur vetëm dy ndeshje me Sportingun në vitin 2002 Penalltia e konvertuar në minutën e 39-të të pjesës së parë dhe e cila vendosi 2-0 përfundimtare pas golit të Sanchos në fillim, e lejoi portugezin të vendoste një tjetër “flamur” në romanin e tij. Duke ditur lidhjen qw ka me Champions League, është e lehtë të imagjinohet se numri 7 më i famshëm në botë nuk e shijoj nw maksimum kwtw herw tw parw. Goli nuk mjaftoi për ta bërë sërish të buzëqeshë Cristianon, i errësuar nga mungesa e lamtumirës ndaj Djajve të Kuq dhe roli i pankinës që Ten Hag duket se tashmë i ka gdhendur në Premier League. Kështu në pjesën e parë Ronaldo ishte protagonist i një gjesti jodashamirës ndaj një tifozeje që kishte tentuar t’i afrohej teksa arriti në dhomat e zhveshjes pas përfundimit të pjesës së parë. Me celularin në dorë, vajza u përpoq t’i kërkonte Cristiano-s një selfie, por ai e largoi me një gjest emblematik. Një shoqërues i United më pas e bindi tifozen të hiqte dorë nga ëndrra e saj. Ronaldo, i cili nuk kishte shënuar në ndeshjet zyrtare me Manchester që nga 2 maji kundër Brentfordit, tani do të jetë në gjendje të fokusohet menjëherë në angazhimet me Portugalinë e tij në Ligën e Kombeve, duke qenë se ndeshja e Premier League kundër Leeds është shtyrë për një datë të mëvonshme. Ndeshja e radhës e Djajve të Kuq do të jetë superderbi kundër Cityt më 2 tetor në Etihad Stadium.https://sport.rtsh.al/artikull/cristiano-ronaldo-gol-dhe-nervozizem-selfie-e-mohuar-per-nje-fanse