Turqia i kërkon NATO-s staf mjekësor dhe spitale fushore

Turqia ka kërkuar zyrtarisht ndihmë nga aleatët e NATO-s për të trajtuar pasojat e një serie tërmetesh të fuqishme. Ekipe dhe pajisje mjekësore të urgjencës, njësi të ndryshme kërkimi dhe shpëtimi si dhe spitale fushore, të pajisura plotësisht kundër motit ekstrem, renditen si pjesë e kërkesës së publikuar nga NATO. Dokumenti thekson gjithashtu se anëtarja e NATO-s, Moldavia, ofroi një ekip kërkimi dhe shpëtimi dhe ka nevojë për ndihmë për të arritur në zonën e prekur. Përgjigjja e NATO-s ndaj tërmeteve koordinohet nga qendra e koordinimit të reagimit ndaj fatkeqësive të aleancës. ATSH