Tetori gjerman, kalendari i aktiviteteve

Edhe këtë vit në Shqipëri do të zhvillohen javët gjermano-shqiptare të kulturës në kuadër të Tetorit Gjerman 2022. Ambasada Gjermane në Tiranë, njoftoi sot për kalendarin e aktiviteteve që do të zhvillohen në kuadër të Tetorit Gjerman 2022, që nis më 29 tetor. “Së bashku me partnerë të shumtë organizojmë tashmë për të 16-in vit radhazi Javët e Kulturës Gjermano-Shqiptare”, njoftoi Ambasada gjermane. Ndërsa deri në fund të tetorit do të zhvillohet një program i larmishëm aktivitetesh në Tiranë dhe në qytete të tjera të Shqipërisë, që përfshijnë veprimtari për prezantimin e librave, performanca kërcimi, filma artisti, ekspozita fotografike, shfaqe teatrale e lexim letrar. Ambasada Gjermane njofton se programi i plotë i aktiviteteve gjeni në faqen e internetit: www.tetori-gjerman.com, në rrjetin social Facebook tek “Ambasada Gjermane Tiranë” ose përmes aplikacionit tonë në Google Play Store ose Apple Store: https://tetori-gjerman.com/qrcode/ Tetori Gjerman i kthyer në një traditë tashmë, i mirëpritur nga institucionet e qytetarët, dëshmon lidhjen e ngushtë dhe partneritetin e qëndrueshëm gjermano-shqiptar për zhvillim. Javët e Kulturës Gjermane zhvillohen në Shqipëri që prej vitit 2007. Në thelb të këtij eventi qëndron mesazhi se, arti dhe kultura mund të ndihmojnë të përjetojmë momente shkujdesjeje dhe të çelim perspektiva të reja.https://ata.gov.al/2022/09/26/tetori-gjerman-kalendari-i-aktiviteteve/