Sinani: Kthesa e Vllaznisë do të vijë

Vllaznia – Kukësi është ndeshja e përzgjedhur nga RTSH Sport për javën e dytë të “Abissnet Superiore”, e cila nis në ora 19:30. E përpara ndeshjes, por dhe në përfundim është emisioni që sjell impresionet e protagonistëve. Një tillë, pikërisht në mikrofonin e gazetarit dhe komentatorit, Kristo Thoma, ishte dhe ish-sulmuesi i njohur shkodran, tashmë në rolin e ndihmëstrajnerit tek Vllaznia, Vioresin Sinani. “Përtej pritshmërive – thotë Sinani – kemi një ndeshje jo të mirë ndaj Erzenit. Askush nuk e priste, por kemi qenë në të gjitha drejtimet keq dhe shpresoj që kthesa të vijë me Kukësin. E kemi parë dhe në sytë e lojtarëve, apo dhe në përgatitjet gjatë javës, që të gjithë janë të bindur për suksesin sot. Kukësi është kundërshtar i vështirë, por gjithsesi Vllaznia do t’ia dalë. Nuk është vetëm problemi i sulmuesve të Vllaznisë, por në tërësi në kampionatin shqiptar mungon njeriu-gol. Shpresojmë që Vllaznia ta gjejë dhe të dalë tek sulmuesi. E sa për tifozët, gjithkush mërzitet kur skuadra humbet dhe afrohet kur fiton. Por në Shkodër të gjithë janë pranë skuadrës dhe janë tifozët më të mirë në Shqipëri”.https://sport.rtsh.al/artikull/sinani-kthesa-e-vllaznise-do-te-vije-ndaj-kukesit