Sadio Mane zgjidhet për herë të dytë lojtari më i mirë i Afrikës

Sulmuesi i Senegalit, Sadio Mane (30 vjeç) për herë të dytë në karrierë fitoi çmimin e lojtarit më të mirë në Afrikë. “Sulmuesi senegalez Sadio Mane u shpall si lojtari më i mirë në Afrikë në ndarjen e çmimit të CAF 2022, pasi udhëhoqi Luanët e Terangas drejt titullit të parë të Kupës së Kombeve të Afrikës”, thuhet në deklaratën e Konfederatës Afrikane të Futbollit (CAF). Vendi i dytë i takoi sulmuesit egjiptian Mohamed Salah të Liverpoolit ndërsa i treti u zgjodh portieri i Senegalit në Chelsea, Edouard Mendy. Mane ndihmoi Senegalin të fitonte titullin e Kupës së Kombeve të Afrikës 2022 ndërsa titullin e futbollistit më të mirë të vitit e kishte fituar edhe në vitin 2019. Ai me skuadrën e tij Liverpool gjithashtu fitoi UEFA Ligën e Kampionëve, UEFA Super Kupën dhe njëherësh Kampionatin Botëror të Klubeve të FIFA-s. Mane ishte një nga lojtarët kyç të Liverpoolit, kur “Reds-at” fituan titullin e Ligës së Kampionëve 2019 dhe trofeun e shumëpritur të Premier Ligës Angleze 2020. Sulmuesi anësor i Liverpoolit ka regjistruar 269 paraqitje dhe ka shënuar 120 gola dhe 48 asiste. Në qershor, pas gjashtë sezonesh në Anfield, senegalezi u transferua te Bayern Mynihu, me të cilin nënshkroi kontratë 3 vjeçare.http://ata.gov.al/2022/07/22/sadio-mane-zgjidhet-per-here-te-dyte-lojtari-me-i-mire-i-afrikes/