Sunday, June 16, 2024
HomeLAJMENga materiali tek çmimi. Zbuloni veçoritë e iPhone 15 Pro dhe Pro...

Nga materiali tek çmimi. Zbuloni veçoritë e iPhone 15 Pro dhe Pro Max

Apple ka lançuar telefonët më të rinj, modelet e reja të iPhone 15. Ka shumë veçori të reja me të cilat ky telefon mburret, me versionet pro dhe jo Pro. Por gjithashtu edhe për çmimet.

iPhone 15 dhe 15 Plus vijnë në modele 128 GB, 256 GB, 512 GB.

iPhone 15 Pro fillon me 128 GB dhe arrin në 1 TB memorie ndërsa Pro Max tani fillon me 256 GB dhe gjithashtu shkon deri në 1 TB.

Apple mbajti çmimet bazë për 15, 15 Plus dhe 15 Pro në SHBA ndërsa Pro Max është 100 dollarë më shumë, por kur krahasohen të njëjtat opsione të ruajtjes, çmimi është në të vërtetë i pandryshuar.

Në Mbretërinë e Bashkuar dhe Gjermani, iPhone 15 dhe 15 Plus bazë tani janë 50 £/50 € më të lirë se 14 dhe 14 Plus. 15 Pro është 100 £/100 euro më pak se paraardhësi i tij.

Në Indi, iPhone 15 dhe 15 Plus kanë të njëjtat çmime si paraardhësit e tyre.

Apple do të pranojë para-porositë për iPhone 15 në valën e parë të vendeve nga 15 shtatori, ndërsa shitjet ndërkombëtare fillojnë një javë më vonë në 22 shtator.

iPhone 15 Pro dhe Pro Max janë bërë me titan në vend të çelikut inox që gjendet në iPhone 14 Pro dhe 14 Pro Max të vitit të kaluar dhe, si rezultat, janë dukshëm më të lehtë.

iPhone 15 Pro dhe Pro Max kanë skaje pak të rrumbullakosura, për tu mbajtur më rehatshëm në dorë. Pro-të e rinj kanë korniza më të holla dhe pak më shumë xham në ekranin e përparmë.

Sa i përket ngjyrave, iPhone 15 Pro dhe Pro Max vijnë në katër nuanca metalike: titan tradicional bardh e zi, si dhe një titan blu dhe një titan “natyror” me një ton gri.

​Siç u përfol, iPhone 15 Pro dhe Pro Max kanë hequr opsionin Lightning për USB-C.

Ekziston edhe një veçori tjetër e re: një buton veprimi që zëvendëson komandën silent që iPhone-ët kanë prej vitesh. Si parazgjedhje, mundet thjesht të shtypni për pak sekonda butonin për të bërë telefonin silent, ose për të hequr zërin. Mund ta personalizoni për të aktivizuar një sërë komandash si ndezja e elektrikut të dorës, regjistrimi i një memo zanore apo edhe hapja e kamerës.

iPhone 15 Pro dhe Pro Max kanë një kamerë 48 megapikselë me një sensor më të madh. Fotot janë 24 megapikselë si parazgjedhje, dhe skanimi lidar rrit fotografimin në dritë të ulët dhe natën. Telefonat kanë gjithashtu një kamerë ultra të gjerë 12 megapikselë të trashëguar nga iPhone 14 Pro i vitit të kaluar.

Por veçoria e madhe këtë vit është zmadhimi më i mirë, edhe pse vetëm për telefonin më të madh premium. Pro Max ka një zmadhim optik 5x (ekuivalent me një lente 120 mm) — një dizajn “tetraprizëm” që thyen dritën disa herë për të mundësuar më shumë zmadhim.

iPhone 15 Pro dhe Pro Max lançohen me procesorin A17 Pro Bionic, një çip 3 nanometër që ka 19 miliardë transistorë për performancë më të shpejtë. GPU-ja e re me gjashtë bërthama është deri në 20% më e shpejtë se GPU e A16 dhe mundëson gjurmimin e rrezeve.

RELATED ARTICLES
- Advertisment -spot_img

Most Popular

Recent Comments