Ndërtimi Qafë Thanë-Strugë, lehtësim i shërbimeve dhe mallrave

Drejtori i Autoritetit Rrugor Shqiptar, Evis Berberi, priti sot në një takim drejtorin e përgjithshëm të Ndërmarrjes Publike për Rrugët Shtetërore të Maqedonisë, Ejup Rustemi. Sipas Berberit gjatë këtij takimi u diskutua në lidhje me Korridorin e 8-të, zgjerimin e aksit Elbasan-Qafë Thanë dhe pikëtakimin e ri kufitar mes Shqipërisë dhe Maqedonisë së Veriut. Ndërtimi i segmentit Qafë Thanë-Strugë, po ashtu, vuri në dukje kreu i ARRSH-së ishte në fokus, ndërsa informoi se tashmë ka filluar puna në lotin e parë të tij. “Ky projekt ka rëndësi për përforcimin e vendeve tona me anë të aksesimit më të shpejtë, lehtësimin e qarkullimit të mjeteve, lehtësimin e shërbimeve dhe mallrave duke i dhënë zhvillim thelbësor ekonomisë së të dyja vendeve”, tha Berberi.https://ata.gov.al/2022/12/16/berberi-takon-homologun-maqedonas-ndertimi-i-segmentit-qafe-thane-struge-lehtesim-i-sherbimeve-dhe-mallrave/