Japin dorëheqje edhe këshilltarët komunalë në veri

Kryetarët e Leposaviqit, Zubin Potokut dhe Zveçanit në mbledhje urgjente të Kuvendeve Komunale, edhe zyrtarisht kanë dhënë dorëheqje. E bashkë me ta edhe këshilltarët komunalë. Këto mbledhje janë paralajmëruar dje në tubimi në Zveçan, ku përfaqësuesit politikë të serbëve të Kosovës vendosën të largohet nga institucionet qendrore dhe ato lokale në katër komunat e veriut të Kosovës, përfshirë dorëheqjen e Goran Rakiq nga posti i ministrit. Ky vendin i tyre ka ardhur pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq dhe nisjes së implementimit të vendimit për targat ilegale, vendim ky i cili do të implementohet në disa faza. Gjuriq u suspendua pasi refuzoi të zbatojë vendimin e Qeverisë së Kosovës për riregjistrimin e makinave që kanë targa të lëshuara nga Serbia në ato të Republikës së Kosovës.https://ata.gov.al/2022/11/06/japin-doreheqje-edhe-keshilltaret-komunale-ne-veri/