Izraeli lëshon ​në hapësirë ”Ofek 13”

Izraeli lëshoi ​​sot në hapësirë ​​një satelit spiun të quajtur Ofek 13, i pajisur me “aftësi të avancuara”, deklaroi ministria e Mbrojtjes. Nisja u bë nga baza ajrore Palmachim (në bregdetin e Mesdhe, në jug të Tel Avivit) duke përdorur një raketë të tipit Shavit. Avi Berger, një zyrtar i ministrisë deklaroi se ”një nga veçoritë e sistemeve optike të montuara në satelit është aftësia e tyre për të parë ditën dhe natën, për të shpuar retë dhe për të fotografuar në të gjitha kushtet klimatike”. Pak orë pas nisjes, sistemet tokësore tashmë kanë filluar të komunikojnë me satelitin. Drejtori izraelit i industrisë ajrore Boaz Levi tha se ”orbita e planifikuar për Ofek 13 përfshin Sirinë dhe Iranin”. Sipas projektuesve të tij, ”sateliti duhet të funksionojë për dekada”. “Izraeli është një nga vendet e pakta në botë që ka aftësi të tilla, aftësi që ne do të vazhdojmë t’i zhvillojmë dhe forcojmë”, deklaroi ministri i Mbrojtjes Yoav Gallant. atsh