Drejtoria e Përgjithshme e Shërbimeve të Transportit Rrugor publikoi sot pamje nga punimet që po kryen në rikualifikimin e plotë të Qendrës së Kontrollit Teknik të mjeteve Durrës. Drejtori i përgjithshëm i Drejtorisë së Përgjithshme të Transportit Rrugor (DPSHTRR), Blendi Gonxhja përmes një postimi në rrjetet sociale tha se, “përfitojmë një kapanon për një linjë të tërë kontrolli teknik, që do ta bëjmë funksionale për QKT e DRSHTRR Durrës, në ndihmë të qytetarëve, pasi e çlirojmë nga pirgjet e rrëmujës e të përtacisë së trashëguar nga ata që as reformonin arkivat e as investonin, duke taposur shërbimin me dosarë e dokumente, në kushte dramatike”. Gonxhja vuri në dukje se sot, falë çeljes së Arkivës së re Qendrore të DPSHTRR, ku vijon magazinimi pas përzgjedhjes dhe eliminimit të materialit të tepërt, pastrimit e risistemimit, në kushtet e standardet më të larta të sigurisë e të ruajtjes, po rimarrim frymë, teksa shtoi se, investimet janë kryer me fondet 100% nga vetëfinancimi i entit. Sipas tij, akte të reja rregullatore për arkivimin mundësojnë uljen e ndjeshme të afateve të ruajtjes dhe pakësimin e arkivës fizike ndërsa numri i drejtuesve të mjeteve dhe i mjeteve rrugore rritet vazhdimisht. “Transformim epokal i infrastrukturës fizike e informatike të arkivimit për shërbimet e transportit rrugor, rikonceptim praktikash për të tërë sistemin e punës së DPSHTRR, skanim e digjitalizim, thjeshtim e heqje e sa më shumë burokracive dhe letrës, me qëllim reduktimin me 80% të volumit arkivor fizik”, tha Gonxhja.https://ata.gov.al/2022/09/14/gonxhja-investimet-ne-digjitalizim-reduktuan-me-80-volumin-arkivor-fizik/
- Advertisment -