“Futsal Finalissima”

Portugali – Spanjë. Kjo do të jetë finalja e parë e edicionit “Futsal Finalissima”, që është duke u zhvilluar në “Park Rok” të Buenos-Airesit. Një bashkëpunim mes UEFA-s dhe Conmenbol, ndërsa janë katër ekipe, dy nga Europa dhe dy nga Amerika e Jugut. Portugalia, që vjen me petkun e Kampiones së Europës për vitin 2022 e jo vetëm, sepse është dhe Kampione e Botës për 2021, ka patur përballë Paraguajin në gjysmëfinale, finalisten e Kampionatit të Amerikës së Jugut. Luzitanët e Horges Braz kanë fituar me përmbysje, ndërsa në të 16’ Ozuna kishte kaluar në avantazh Paraguajin. Pani Varela në të 29’ dhe Erik në të 33’ përmbysin gjithçka e në fund 2-1 për Portugalinë. Në gjysmëfinalen Argjentina, fituese e Kupës së Amerikës së Jugut dhe njëkohësisht finaliste e Kampionatit Botëror, kishte përballë Spanjën, që ishte në vendin e tretë në Europë. Iberikët e Federiko Vidal zëvendësuan Rusinë, që ishte finaliste e Kampionatit Europian, por që për shkak të luftës në Ukrainë është përjashtuar nga të gjitha kompeticionet europiane. Dhe në fakt befasia ishte e madhe. Raul Kampos në të 6’ dhe në të 15’, si dhe Didak Plana në të 40’ fiksojnë fitoren e Spanjës, 3-0. Të dielën në ora 19:00 për vendet 3-4 Paraguaj – Argjentinë dhe në finalen e madhe të trofeut, kjo në ora 21:40, Portugali – Spanjë. Gjithçka vetëm në rrjetin e Radio Televizionit Shqiptar.https://sport.rtsh.al/artikull/portugali-spanje-finalja-e-futsal-finalissima-