Filmat e TIFF që garojnë në kategorinë “Feature”

Tirana International Film Festival, në 20-vjetorin e tij, vjen me një numër të lartë filmash pjesëmarrës, në “official competition”. Njëra nga kategoritë më interesante është “Feature”, ku garojnë për çmim 7 filma. Mes tyre është edhe një prodhim shqiptar, i vitit 2022, i regjisorit Xhoslin Rama. “Legjenda e Bastunit” është film dramë i metrazhit të gjatë (105’), prodhuar nga Erëfilm me mbështetjen financiare të Qendrës Kombëtare të Kinematografisë. Filmi ka një kast të admirueshëm, me aktorë si Ndriçim Xhepa, Vasjan Lami, Amos Zaharia, Amri Hasanlliu, Klodiana Keco, Ervin Bejleri, Ermira Gjata e të tjerë. Në qendër të historisë qëndron një murg franceskan, nën regjimin komunist. Filmat e tjerë që garojnë në kategorinë “feature” vijnë nga Polonia, Rusia, Ukraina, 2 prodhime nga Rumania si dhe një bashkëprodhim Republika Ceke e Sllovakia. Tirana International Film Festival (TIFF) nis edicionin e tij të 20-të, më 24 shtator. TIFF është një nga eventet kulturore më të rëndësishme të Ballkanit dhe Europës dhe për herë të parë do të ketë “Official Partner”, Agjencinë Telegrafike Shqiptare (ATSH) Kategoria “Feature” Illusion by Marta Minorowicz | Poland | 2022 | 85’ In Limbo by Alexander Hant | Russia | 2021 | 103’ Klondike by Maryna Er Gorbach | Ukraine | 2022 | 100’ Men of Deeds by Paul Negoescu | Romania | 2022 | 105’ Mikado by Emanuel Parvu | Romania | 2021 | 96’ Saving One Who Was Dead by Václav Kadrnka | Czech Republic, Slovakia | 2021 | 89’ The Legend of the Cane by Xhoslin Rama | Albania | 2022 | 105’http://ata.gov.al/2022/09/08/filmat-e-tiff-qe-garojne-ne-kategorine-feature/