Një vaksinë e zhvilluar nga kompania gjermane e bioteknologjisë BioNTech dhe gjigandi farmaceutik amerikan Pfizer për t’i rezistuar dy varianteve Omicron të koronavirusit është duke u shqyrtuar nga Agjencia Evropiane e Farmaceutikëve (EMA). Një zëdhënës i EMA tha se vaksina e përshtatur me variantet BA.4 dhe BA.5 i është nënshtruar një të ashtuquajturi “procesi i rishikimit të vazhdueshëm”, që do të thotë se të dhënat mbi efikasitetin e saj mund të fillojnë të vlerësohen përpara se grupi i të dhënave të jetë i plotë dhe formal do të paraqitet aplikimi për miratim. ‘’Kërkesa nga kompanitë farmaceutike për miratimin e vaksinës së re pritet së shpejti’’, tha zëdhënësi i EMA. Nuk ka pasur ende një provë klinike për vaksinën dhe është e paqartë nëse nevojitet për miratimin e EMA. Vaksina mund të dërgohet që në shtator, në pritje të miratimeve të nevojshme, sipas kompanive, të cilat tashmë kanë kërkuar miratim urgjent nga Administrata e Ushqimit dhe Barnave e SHBA. EMA njoftoi një takim urgjent më 1 shtator të Komitetit të saj për Produkte Medicinale për Përdorim Njerëzor (CHMP) për të vendosur mbi aplikimet nga BioNTech dhe Pfizer dhe kompania farmaceutike amerikane Moderna për miratimin e një vaksine të përshtatur nga varianti BA .1 Omicron. Megjithëse varianti BA.1 nuk është më në qendër të shpërthimeve në shumë pjesë të botës, ka shpresë që vaksina të jetë efektive kundër atyre varianteve aktualisht në qarkullim.https://ata.gov.al/2022/08/24/ema-shqyrton-vaksinen-biontech-te-pershtatur-me-dy-variante-omicron/
EMA shqyrton vaksinën BioNTech të përshtatur me dy variante Omicron
RELATED ARTICLES
- Advertisment -