Bordi i Transparencës së Çmimit të Karburanteve vendosi sot që çmimi i shitjes së naftës me pakicë të jetë 174 lekë/litër. Në vendimin e Bordit thuhet se, çmimi i shitjes me pakicë i nënproduktit gasoil i standardit SSH EN 590 të jetë, jo më shumë se 174 lekë/litër, ndërsa i shitjes me shumicë jo më shumë se 162 lekë/litër. Çmimi i shitjes me pakicë i nënproduktit benzinë e standardit SSH EN të jetë, jo më shumë se 177 lekë/litër, ndërsa i shitjes me shumicë jo më shumë se 165 lekë/litër. Çmimi i shitjes me pakicë i nënproduktit gaz, të jetë 66 lekë/litër me pakicë dhe i shitjes me shumicë 54 lekë/litër për automjetet. Çmimi i gazoilit për peshkim është vendosur 81 lekë/litër. Çmimet e caktuara nga Bordi do të hynë në fuqi në datë 28 prill, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes. Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve. Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.
- Advertisment -
Recent Comments
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER