Parlamenti zgjat ligjin ushtarak edhe për 90 ditë

Ligji ushtarak në Ukrainë, i vendosur për shkak të pushtimit rus, është shtyrë nga parlamenti edhe për 90 ditë. Sipas raporteve të medias, 348 anëtarë të parlamentit (deputetë) votuan pro, shumë më tepër se 226 votat e nevojshme për miratim. U zgjerua edhe mobilizimi i përgjithshëm. Kjo do të thotë se meshkujt nga mosha 18 deri në 60 vjeç që i nënshtrohen shërbimit të detyrueshëm ushtarak, me disa përjashtime, do të vazhdojnë të jenë subjekt i ndalimit të daljes nga vendi. Rregullorja është e vlefshme përkohësisht deri më 20 maj. Rusia kontrollon pothuajse 20% të territorit të Ukrainës, përfshirë gadishullin e Krimesë të aneksuar në 2014. Presidenti ukrainas, Volodymyr Zelensky tha para pak ditësh se trupat e tij po vazhdonin rezistencën. Sipas oficerëve të shërbimit sekret britanik, rusët në të vërtetë nuk po bëjnë ndonjë përparim. ATSH