Kombëtarja kuqezi barazon me Islandën në “Air Albania”

Kombëtarja shqiptare e futbollit luajti mbrëmjen e sotme në”Air Albania” sfidën e fundit në grupin e saj në Ligën e Kombeve përballë Islandës duke barazuar me rezultatin 1 me 1. Edhe pse ishte një ndeshje më shumë për prestigj, tanimë që vendi i parë ishte i paarritshëm, interesi i tifozëve kuqezi ishte i madh, por rezultati zhgënjyes, pasi Islanda barazoi ne fund të takimit golin e skuadrës sonë, shënuar në pjesën e parë të ndeshjes. Kuqezinjtë janë në vendin e fundit në grup teksa kanë regjistruar një barazim e dy humbje në sfidat e tyre, ndërsa Islandezët kanë vetëm 3 barazime në sfidat e luajtura deri tani. Për këtë sfidë, trajneri Edi Reja kishte bërë ndryshime të rëndësishme në rreshtim në krahasim me sfidën me Izraelin, duke ulur në stol Hysajn, Ajetin, Asllanin, Laçin e Brojën. Në vend të tyre aktivizohen Lenjani, Veseli, Ramadani, Bajrami dhe Uzuni.https://ata.gov.al/2022/09/27/kombetarja-kuqezi-barazon-me-islanden-ne-air-albania/