Finalja SHBA, UEFA po e mendon

Ishte përfolur edhe më parë, tani portali spanjoll ‘As’ po rilançon lajmin: finalja e Champions League, në një të ardhme pak a shumë të afërt, mund të luhet në SHBA. Promovuesit amerikanë panë potencialin e një ngjarjeje kaq të rëndësishme në nivel planetar, me të gjitha reklamat dhe pasojat e lidhura me të, të krijuara nga të drejtat televizive. Ideja erdhi nga suksesi i ‘Campeones Cup’, turneu që vendos skuadra nga MLS, kampionati i Amerikës së Veriut, dhe atyre të Ligës meksikane. Sipas ‘As’, “nuk ka asnjë treg komercial dhe televiziv që të ketë të njëjtën rëndësi si ai amerikan. Kompeticionet e mëdha botërore të futbollit duan të jenë pjesë e tij. Çdo vit rriten finalet dhe turnetë e rëndësishëm që luhen në SHBA. Por më e rëndësishmja mungon: Liga e Kampionëve të futbollit. Ndeshja më e rëndësishme e topit evropian nuk është larguar kurrë nga kontinenti i vjetër. Mundësia për të lëvizur jashtë shtetit po shihet me sy të mirë nga UEFA dhe Eca, të cilët duan të zgjerojnë tregun e tyre. Organizatat kryesore të futbollit kontinental sapo kanë shitur të drejtat angleze për SHBA-në te CBS, Viacom dhe Paramount për 1500 milionë, shifër kjo që do të rritet me rastin e versionit të zgjeruar të Champions duke filluar nga viti 2024. Në fakt, International Champions Cup, e cila organizohet çdo verë në SHBA, ka qenë gjithmonë një sukses i madh nga të gjitha këndvështrimet. Dhe mund të jetë preludi i uljes së Champions League në Amerikën e Veriut.https://sport.rtsh.al/artikull/finalja-e-champions-ne-shba-uefa-po-e-mendon