Bajrami rrëfen arritjen historike

Adrian Bajrami është shpallur kampion bote për moshën U-20, me skuadrën e tij Benfikën. Skuadra portugeze ka fituar Kupën Interkontinentale U-20 që u zhvillua në Montevideo të Uruguait, pasi ka mundur në finale 1-0, kampionët e Evropës për këtë grup-moshë Penarolin. Mbrojtësi i kombëtares kuqezi ka qenë pjesë e formacionit dhe luajti për 90 minuta, duke qenë një nga elementët vendimtarë të këtij suksesi madhor për futbollin e klubeve me Benfikën U-20. Bajrami ka treguar emocionet e kësaj sfide duke përjetuar atmosferën e krijuar në stadiumin me 40 mijë spektatorë në Montevideo. “Është një arritje historike, sepse Benfika U-20 është skuadra e parë që e fitonte këtë trofe, pra edicionin e parë të Kupës Interkontinentale U-20, dhe ndihem i lumtur e krenar për veten dhe për klubin gjithashtu” – ka thënë Bajrami.https://sport.rtsh.al/artikull/adrian-bajrami-rrefen-arritjen-historike-me-benfiken