Prishtina dhe Ballkani matin forcat !!

Elita e futbollit kosovar do të vazhdojë sot pasdite me tri ndeshjet e fundit të javës së pestë. Padyshim se kryendeshja e kësaj xhiro është përballja mes Prishtinës dhe Ballkanit, derbi ky që do të luhet sonte në ‘Fadil Vokrri’. Të dy skuadrat e kanë nisur mjaft mirë këtë sezon të garave, andaj sfida mes prishtinasve dhe kampionëve në fuqi të Kosovës, parashikohet të prodhojë një super-ndeshje. Tifozët e Prishtinës ‘Plisat’ por edhe ‘Xhebrailat’ nga Suhareka, kanë paralajmëruar atmosferë fantastike në kryederbin e kësaj fundjave. Ndërkaq, sot përveç duelit Prishtina-Ballkani, do të luhen edhe përballjet Dukagjini-Gjilani dhe Drenica-Ferizaj. Superliga / Java e pestë Sot takohen: Prishtina – Ballkani Dukagjini – Gjilani Drenica – Ferizaj. Të gjitha ndeshjet nisi në orën 15:00, përveç derbit mes Prishtinës dhe Ballkanit që luhet prej orës 20:00.https://www.rtklive.com/sq/news-single.php?ID=615987