Mësuesit e shkollës “Dom Nikollë Kaçorri” në Laknas, mirëpritën 301 nxënës në godinën e rikonstruktuar rishtas falë programit “EU4Schools”. Ambasadorja e BE-së, Christiane Hohmann, përmes një postimi në rrjetet sociale të Delegacionit të BE-së në Tiranë, u shpreh krenare që sheh “fëmijët, mësuesit dhe prindërit shqiptarë që shprehin lumturinë e tyre për shkollën e rindërtuar rishtazi falë programit EU4Schools, zbatuar nga UNDP në Shqipëri”. “‘Dom Nikollë Kaçorri’ është 1 nga 63 shkollat dhe kopshtet e financuara nga BE, që po ndërtohen në zonat e prekura nga tërmeti”, theksoi Hohmann. Mësuesja Mimoza Denushi shprehet në një video të shpërndarë nga Delegacioni i BE-së në Tiranë se, “kam vite të gjata në arsim, pjesën më të madhe e kam në këtë shkollë përpara rikonstruksionit dhe tani që jemi pas këtij ndryshimi tepër të madh që jep një impakt shumë të çmuar jo vetëm tek ne si arsimdhënës, por edhe tek nxënësit tanë të cilët janë baza”. “Jam shumë i lumtur që jam në një shkollë të re. Ka ambiente të reja”, shprehet nxënësi, Algert Gjoçi.http://ata.gov.al/2022/09/17/301-nxenes-nisin-vitin-shkollor-ne-godinen-e-rikonstruktuar-te-shkolles-dom-nikolle-kacorri/
- Advertisment -