Zjarret në perëndim të Athinës dhe në Rodos

Zjarrfikësit grekë vazhdojnë të luftojnë tre fronte kryesore të zjarrit për të tretën ditë radhazi, në perëndim të Athinës. Pesë avionë zjarrfikës dhe tetë helikopterë zjarrfikës u vendosën sot në mëngjes në dispozicion, tha një zëdhënës i brigadës së zjarrfikësve. Në perëndim, afër qytetit të Loutraki, katër avionë zjarrfikës dhe tre helikopterë u ngritën në ajër për të shuar një tjetër flakë, sipas shërbimit zjarrfikës. Erërat verilindore pritet të fryjnë në rajon gjatë ditës, duke i bërë operacionet e shuarjes së zjarrit shumë më të vështira dhe potencialisht të nxisin rindezjen e zjarreve. Një zonë pyjore ishte gjithashtu në flakë në ishullin Rodos, një destinacion popullor pushimesh. Megjithatë, banesat apo fshatrat thuhet se nuk janë kërcënuar nga zjarret. “Zjarri ne pyjet e ishullit pranë fshatit Apollona mbulon një sipërfaqe prej rreth 30 hektarësh”, sipas brigadës së zjarrfikësve. Në Greqi prej disa kohësh nuk bie shi. Fundjavën e kaluar, një valë e nxehtë disaditore e intensifikoi thatësirën. Në fundjavë, temperaturat pritet të rriten sërish deri në mbi 40 gradë Celsius në shumë vende. atsh