Kredia për bizneset ka shfaqur përmirësim të ritmeve të rritjes në tremujorin e dytë, bëri të ditur Banka e Shqipërisë në raportin e publikuar sot mbi aktivitetin kreditues në vend gjatë 3-mujorit të dytë të vitit 2022. Sipas BSH-së, zgjerimi i portofolit të kredisë për bizneset e mesme dhe të mëdha ka kompensuar tkurrjen e portofolit të biznesit të vogël. Këto zhvillime janë reflektuar në norma më të larta të rritjes së kredisë në lekë dhe ruajtjen e niveleve të larta të kreditimit në valutë. Megjithatë, shtimi i pasigurive dhe shqetësimet mbi dobësimin e mundshëm të aktivitetit ekonomik me zgjatjen e konfliktit në Ukrainë, kanë diktuar shtrëngimin e standardeve të kreditimit nga bankat për bizneset, si dhe shtrenjtimin e kostos së kredisë në segmente të caktuara. Financimi i bizneseve nga bankat është rritur me ritme të larta në tremujorin e dytë të vitit. Norma vjetore e rritjes së këtij portofoli prej 12%, ka ndjekur trajektoren pozitive të nisur një vit më parë me rikthimin e normalitetit ekonomik pas pandemisë. Dinamika tremujore tregon se ky portofol është rritur me rreth 11 miliardë lekë. Zgjerimi i kredisë për biznese është vërejtur në segmentin e biznesit të mesëm dhe të atij të madh, ndërkohë që ka rënë financimi për bizneset e vogla dhe është ngadalësuar për ato mikro. “Të dy këto segmente janë edhe kategoritë më të ekspozuara ndaj pasigurisë dhe rrezikut të shtuar në kushtet e realitetit të ri makroekonomik. Kështu, kredia për biznesin e mesëm shënoi një rritje vjetore rreth dy herë më shumë se në tremujorin e parë. Ndërkohë, kreditimi i biznesit të madh ka mbajtur norma të qëndrueshme rritjeje, por në ndryshim nga biznesi i mesëm kjo rritje ka qenë kryesisht në valutë”, theksoi BSH-ja.https://ata.gov.al/2022/08/17/zgjerohet-me-11-miliarde-leke-kredia-per-bizneset/
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER