Shqipëria po shfaqet gjithnjë e më shumë si një nga destinacionet turistike më tërheqëse të Mesdheut, duke u cilësuar shpesh nga vizitorët si një vend që “ngjan me Karaibet”, falë ujërave të kristalta, natyrës së paprekur dhe kombinimit unik të detit, maleve dhe qyteteve historike, shkruan media italiane “The Wom Travel”.
Vendi ofron një larmi të rrallë peizazhesh, nga Alpet Shqiptare në veri, deri te Riviera në jug, si dhe qytete të trashëgimisë botërore të UNESCO-s dhe kryeqyteti i Tiranës, i cili po transformohet me ritme të shpejta.
Sipas një përshkrimi turistik ndërkombëtar, Shqipëria nuk ofron vetëm plazhe si Ksamili, por një ndërthurje të qytetërimeve të lashta, arkitekturës osmane, natyrës së egër dhe historisë moderne të Ballkanit.
