Volumi i mallrave në porte ra me 20.3 %

Në dhjetëmujorin e këtij viti volumi i mallrave të ngarkuara e shkarkuara në porte është 3 261,5 mijë tonë, duke u ulur me 20.3 %, krahasuar me të njëjtën periudhë të vitit 2021. Instituti i Statistikave (INSTAT), bën të ditur se ndryshe nga volumi i mallrave të përpunuara në port, numri i pasagjerëve që udhëtuan me linjë detare është rritur me 62.2 %. Sipas raportit të publikuar nga INSTAT numri i pasagjerëve arriti në 1 248 252. Ndërkohë, volumi i mallrave të transportuar me ajër është 1 682,9 tonë, duke u rritur me 2.3 %, krahasuar me të njëjtën periudhë të vitit 2021. Edhe numri i qytetarëve që kanë udhëtuar me linja ajrore është rritur ndjeshëm gjatë këtij 10 mujori me 83% duke arritur në 4 439 417 pasagjerë, krahasuar me të njëjtën periudhë të vitit 2021. Ndërsa volumi i mallrave të transportuar me hekurudhë është 16.443 mijë tonë-kilometër, duke u ulur me 25.6 %, krahasuar me të njëjtën periudhë të vitit 2021. Të njëjtin trend kishte dhe numri i pasagjerëve që udhëtuan në linjat hekurudhore. Sipas INSTAT-it, gjatë 10-mujorit, numri i pasagjerëve që udhëtuan me linjë hekurudhore është 10 316 pasagjerë, duke u ulur me 53.6 %.https://ata.gov.al/2022/11/30/instat-volumi-i-mallrave-ne-porte-ra-me-20-3/