U17 gjen fitoren

Kombëtarja kuqezi e Nën-17-vjeçarëve në futboll ka zhvilluar të mërkurën miqësoren e dytë të programuar ndaj Maqedonisë së Veriut, që u luajt në Stadiumin “Elbasan Arena” dhe u soll për sportdashësut drejtpërdrejt nga Rrjeti i Radio-Televizionit Shqiptar. Ndryshe nga miqësorja e pak ditëve më parë, që ishte mbyllur në barazim 3-3, kuqezinjtë e drejtuar nga trajneri Ervin Bulku kanë triumfuar këtë herë, duke fituar me rezultatin 2-0. Kuqezinjtë e nisën më mirë ndeshjen, duke gjetur edhe golin e epërsisë me anë të Flavio Sulejmanit, i cili realizoi në minutën e 15-të. Me këtë epërsi minimale është mbyllur pjesa e parë, ndërsa në të të dytën, trajneri Bulku bën shumë zëvendësime, ndërsa vjen edhe goli i dytë me autor sërish Sulejmanin, që tund rrjetën në minutën e 52-të. Sfida duket sikur ndërlikohet me daljen me karton të kuq nga loja e Jordi Jakut, i cili merr kartonin e dytë të verdhë. Por përfaqësuesja kuqezi arrin të administrojë lojën, madje i afrohet edhe golin të tretë me të zakonshmit Sulejmani, i cili godet shtyllën horizontale. Në mbyllje, Shqipëria e Nën-17-vjeçarëve arrin të mbrojë rezultatin deri në fund, duke fituar 2-0 ndaj bashkëmoshatarëve nga Maqedonia e Veriut.https://sport.rtsh.al/artikull/kombetarja-u17-gjen-fitoren