“Trokitje në gur”

Ekspozita fotografike “Trokitje në gur”, ka tërhequr interesimin e turistëve të shumtë, të cilët po vizitojnë qytetin e Gjirokastrës. Ekspozita e organizuar nga Bashkia Gjirokastër u çel në fundjavë, në mjediset e Pazarit karakteristik. Pjesë e saj janë rreth 20 fotografi, të cilat paraqesin momente nga puna e mjeshtrave gurskalitës në vite. Emrat e Simi Llukanit. Adil Kore, Habip Hatika, etj kanë lënë gjurmë në ndërtimin dhe restaurimin e shtëpive të gurta dhe rrugëve të kalldrëmta. Ekspozita prezanton edhe mjeshtrat aktualë apo gurskalitësit e rinj të cilët trashëgojnë mjeshtrinë e veçantë të punimit të gurit. Ky aktivitet tërhoqi vëmendjen e banorëve por edhe interesimin e turistëve të shumtë që ndoqën me interes ekspozitën. Bashkia Gjirokastër vazhdon organizimin e aktiviteteve të cilat promovojnë vlerat e traditës duke i shërbyer edhe zhvillimit të turizmit.http://ata.gov.al/2022/09/11/trokitje-ne-gur-interes-nga-turistet-ne-gjirokaster/