Tentativë për vrasjen e zv.Presidentes së Argjentinës

Zëvendëspresidentja e Argjentinës i ka shpëtuar një tentative për vrasje. Teksa po përshëndeste mbështetësit e saj jashtë shtëpisë, një person i ka drejtuar armën zv.Presidentes Cristina Fernandez de Kirchner, por arma e autorit është bllokuar. Presidenti Alberto Fernandez tha se arma ishte e mbushur me pesë plumba, por nuk shkrepi kur u ndez. “Cristina mbetet gjallë sepse, për një arsye ende të pa konfirmuar teknikisht, arma, e cila përmbante pesë plumba, nuk shkrepi. Përpjekja ndaj jetës së zonjës de Kirchner ishte një nga incidentet “më serioze” që kur vendi u kthye në demokraci në 1983. Mund të mos pajtohemi, mund të kemi mosmarrëveshje të thella, por gjuha e urrejtjes nuk mund të ndodhë sepse ajo ushqen dhunë dhe nuk ka asnjë shans që dhuna të bashkëjetojë me demokracinë”, tha Fernandez. Policia tha se personi i armatosur, të cilin mediat lokale e identifikuan si një brazilian 35-vjeçar, është arrestuar. Ata po përpiqen të zbulojnë motivin e sulmit.https://lajme.rtsh.al/artikull/foto-tentative-per-vrasjen-e-zvpresidentes-se-argjentines-policia-arreston-autorin-