Disa të dhëna të pazakonta kanë shkaktuar një ndërprerje të gjerë të fluturimeve, tha një shef britanik i kontrollit të trafikut ajror (ATC), pasi linjat ajrore janë nën presionin në rritje të pasagjerëve në pritje. Shumë pushues britanikë janë bllokuar jashtë shtetit pasi rreth 2 000 fluturime u anuluan për shkak të problemit. Ekzistojnë spekulime se dështimi i ATC-se mund të jetë shkaktuar nga një linjë ajrore franceze që paraqiti një plan fluturimi pranë Shërbimeve Kombëtare të Trafikut Ajror (NATS) në formatin e gabuar. “Downing Street” nuk e përjashtoi këtë mundësi, ndërsa NATS nuk pranoi të komentonte nëse kjo ishte e vërtetë. Fluturimet drejt dhe nga aeroportet e Britanisë së Madhe u kufizuan për disa orë pasditen e së hënës pasi gabimi pengoi që planet e fluturimit të përpunoheshin automatikisht, që do të thotë se kërkoheshin kontrolle manuale. Shefi ekzekutiv i NATS-it, Martin Rolfe, tha për BBC se ky nuk ishte një dështim i plotë i sistemit, por e vetëm një pjese të sistemit, një pjese të rëndësishme të sistemit. “Në këto rrethana, nëse marrim një pjesë të pazakontë të të dhënave që nuk i njohim, është jashtëzakonisht e rëndësishme që ai informacion, i cili mund të jetë i gabuar, të mos kalojë tek kontrollorët e trafikut ajror”, theksoi ai. Rolfe tha se NATS-i ka sisteme kritike për sigurinë dhe hedhja e të dhënave duhet të shqyrtohet me shumë kujdes. Willie Walsh, drejtor i përgjithshëm i organizmit global të linjës ajrore, Shoqata Ndërkombëtare e Transportit Ajror (IATA) dhe ish-shefi i “British Airways”, e përshkroi ngjarjen si “marrëzi”. “Ky sistem duhet të projektohet për të refuzuar të dhënat që janë të pasakta, jo për të shembur sistemin”, tha Walsh. Kompania e analitikës së aviacionit “Cirium” tha se 64 fluturime që do t’i shërbenin aeroporteve në Britaninë e Madhe u anuluan që nga ora 9 e mëngjesit, pasi çështja vazhdoi të kishte një efekt goditjeje me avionët dhe ekuipazhet në pozicionin e gabuar.
Të dhënat e pazakonta anulojnë 2 000 fluturime
RELATED ARTICLES
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER