Shehi : E vështirë

Tirana do të ndeshet të premten me Teutën në “Selman Stërmasi”, ora 16:00, takim i vlefshëm për javën e pestë të “Abissnet Superiore”. Në prag të kësaj sfide, trajneri i bardhebluve, Orges Shehi ka theksuar: “Gjithmonë duam të bëjmë maksimumin. Të përmirësohemi dhe të marrim sa më shumë pikë”. “Janë dy skuadra që prisnin të mernin më shumë pikë në këto katër javë. Teuta ka ndryshuar dhe ne aty do të fokusohemi. Është një kundërshtar që ka dalë kampion para dy vitesh, në përbërje ka akoma lojtarë me petkun e kampionit. Është një ndeshje e vështirë edhe për shkak të pritshmërive të kundërshtarit në këto javë të para”. Një fitore në 10 ndeshjet e fundit duke përfshirë edhe miqësoret – “Edhe miqësoret janë të rëndësishme, por pikësynimi është gjithmonë kampionati. Pjesa e Europës është një kapitull i mbyllur tashmë, bashkë me të kanë ikur edhe lojtarët. Në krahasim me sezonin e kaluar, situatat janë të ndryshme. Por është një rrugë e gjatë dhe ky është vetëm fillimi. Ky është një fillim i vështirë, sepse skuadra është konsoliduar në momentet e fundit”. “Një zëvendësues për Seferin? Vlerat e Taulantit dihen tashmë, por ne kemi një kontigjent lojtarësh që duhet të përshtaten me lojën. E kemi ndryshuar plotësisht, për shkak të elementëve që kemi”.https://sport.rtsh.al/artikull/tirana-shehi-para-ndeshjes-me-teuten-e-veshtire-por-