“Sea Eagle II”,viziton portin e Durrësit

Veliera e aluminit më e madhe në botë “Sea Eagle II” u ndal mëngjesin e sotëm në portin e Durrësit. Autoriteti Portual Durrës bën të ditur se veliera, një nga mjetet lundruese më unike në llojin e vet, është prodhim i vitit 2020 nga prestigjiozi i ndërtimit të superjahteve “Royal Huisman”. “Sea Eagle II” karakterizohet nga një superstrukturë alumini prej 81 m të gjatë, zhytje maksimale deri në 6 m dhe një tonazh prej 1104 tonësh, çka e rendit atë si velierën me konstruksion alumini më të madhe në botë. “Sea Eagle II” e cila lundron nën flamurin e ishujve Kajman ka mbërritur pas një lundrimi 3-ditor nga ishulli i Itakës (Greqi) dhe do të vijojë itinerarin në eksplorim të brigjeve të Adriatikut.https://ata.gov.al/2022/09/14/sea-eagle-ii-veliera-me-e-madhe-ne-bote-viziton-portin-e-durresit/