Ministrii i Infrastrukturës dhe Energjisë, Enea Karakaçi bëri të ditur se procesi për përzgjedhjen e firmës fituese për ndërtimin e akseve rrugore Kashar–Balldren dhe Milot–Lekaj po vijon sipas procedurave ligjore dhe konkurruese, ndërsa koncesioni është në fazë verifikimi për përputhshmërinë me kuadrin rregullator.
Në lidhje me tarifimin e përdorimit të këtyre akseve, ministri theksoi se rrugët e kategorisë A janë me pagesë. Sipas tij kjo është një praktikë e aplikuar në shumë vende të Evropës, ndërsa paralelisht janë të disponueshme edhe rrugë alternative pa pagesë për qarkullim.
Sipas ministrisë, kjo skemë nuk cenon lëvizjen e qytetarëve, pasi përdoruesit do të kenë mundësi zgjedhjeje midis akseve me pagesë dhe atyre ekzistuese pa tarifë.
