Një kolaps global i fertilitetit dhe një botë “demografikisht e ndarë” midis vendeve më të pasura, ku numri i lindjeve do të reduktohet në mënyrë drastike dhe vendeve me të ardhura të ulëta në të cilat numri i lindjeve do të dyfishohet, aq sa një fëmijë në dy do të lindë në Afrikën Sub-Sahariane: ky është skenari që po përgatitet për vitin 2100, sipas universitetit të Uashingtonit. Sipas studimit, të udhëhequr nga Stein Emil Vollset dhe Natalia Bhattacharjee, shkalla e fertilitetit është përgjysmuar gjatë 70 viteve të fundit, duke shkuar nga rreth 5 fëmijë për grua në 1950 në 2.2 në 2021.
Shenjat më të rëndësishme të kësaj rënie priten deri në vitin 2050, kur më shumë se tre të katërtat e vendeve të botës (155 nga 204) do të kenë një normë lindshmërie më të ulët se 2.1 fëmijë për grua, pragu që lejon madhësinë e popullsisë dhe e cila në vitin 2100 do të rritet në 198 nga 204. Kjo do të thotë, 97% e vendeve në botë do të shohin rënie të popullsisë. Kjo shpall atë që autorët e studimit e përkufizojnë si një “botë e ndarë demografikisht”, e cila premton të ketë pasoja shumë të rënda për ekonomitë dhe shoqëritë, duke filluar nga migrimi. Fertiliteti i ulët, theksojnë autorët e studimit mund të zbutet si nga imigrimi etik dhe efektiv, ashtu edhe nga politikat për të mbështetur prindërit.
