Paul Pogba rikthehet !!

Juventus, një nga skuadrat e Ligës së Parë të Futbollit Italian (Serie A), njoftoi se ka transferuar mesfushorin francez, Paul Pogba. Klubi bardhezi njoftoi transferimin e 29-vjeçarit francez, me fjalët: “Paul Pogba është rikthyer”. Klubi njoftoi se është bërë kontratë me Pogba-n e cila do të zgjasë deri më 30 qershor 2026 dhe se lojtari francez do të veshë fanellën me numrin 10. “Paul u kthye në Torino. Ai u largua kur ishte i ri, u kthye si i rritur dhe kampion, por një gjë që nuk ka ndryshuar është dëshira e tij për të shkruar sërish së bashku faqet e paharrueshme të historisë së klubit”, tha Juventus në një deklaratë. Pogba luajti për Juventus në vitet 2012-2016, dhe gjatë kësaj kohe ai fitoi 4 kampionate të Serie A, dy Kupa të Italisë dhe tri Superkupa të Italisë.