Ndryshimet klimatike kërcënojnë të ardhmen e vendpushimeve të skive në Evropë, sipas një studimi. Studimi ka zbuluar se edhe sistemet e prodhimit të borës do të jenë në gjendje të kompensojnë vetëm pjesërisht mungesën e borës natyrore ndërsa Toka ngrohet. Rreth gjysma e të gjitha vendpushimeve evropiane të skive do të përballeshin me rreziqe të larta të mungesës së borës nëse ngrohja globale shkakton rritjen e temperaturave mesatare globale me 2 gradë Celsius. Në një skenar me një rritje të temperaturës prej 3 gradë Celsius gjatë këtij shekulli, 91% e vendpushimeve evropiane të skive do të rrezikonin të kishin pak borë për sportet dimërore. Nëse ngrohja globale arrin 4 gradë, pothuajse të gjitha vendpushimet e skive në kontinent do të rrezikonin mungesë bore. Evropa është një qendër kryesore globale për skijimin, me rreth gjysmën e të gjitha vendpushimeve të skive në botë. Studimi shqyrtoi 2234 resorte në 28 vende evropiane. atsh
