Napoli përmbys Lacion

Napoli mposht Lazion 2-1 në Olimpico në ndeshjen e tretë të javës së pestë të Serie A dhe bashkohet me Milanin në krye të renditjes. Lacialët e zhbllokuan ndeshjen pas vetëm 4′ me një të djathtë të shkëlqyer nga Zaccagni, më pas zhduken gradualisht nga fusha dhe në të 38′ e lënë veten të arrihen nga goditja me kokë e Kim. Në të 61′, prekja vendimtare e Kvaratskhelia gjen golin e katërt në kampionat dhe dërgon në orbitë Spallettin. Humbja e parë sezonale për Sarrin. Teksa pret Atalantën dhe Romën, Spalletti gëzon fitoren dhe primatin në renditje (në bashkëjetesë me Milanin) në fund të një ndeshjeje me dy fytyra: ritme të ngadalta dhe pak shfaqje në pjesën e parë, intensitet dhe tension konkurrues që ngrihet në qiell në të dytën. Napoli në tërësi luan më mirë dhe krijon më shumë, godet edhe dy shtylla dhe me meritë merr tri pikët. Nga ana tjetër, Lazio nuk arrin të përfitojë nga fillimi i shkëlqyeshëm, largohet pak herët nga loja dhe pëson humbjen e parë, ndoshta duke zbuluar për herë të parë disa limite si në mbrojtje ashtu edhe në sulm.https://sport.rtsh.al/artikull/napoli-permbys-lacion-perqafon-milanin