Në vende të ndryshme janë duke u kremtuar Ditët Europiane të Trashëgimisë. Datat dhe aktivitetet variojnë nga shteti në shtet. Aktivitet përgjatë kësaj jave janë duke u zhvilluar në Francë, Poloni, Lituani por edhe në vendin tonë. Ka qenë Muzeu “Marubi” që i ka kushtuar vëmendje Ditëve Europiane të Trashëgimisë. Për vitin 2023, tematika është “Trashëgimia e Gjallë” që i referohet praktikave, dijeve dhe mjeshtërive që janë tejçuar ndër breza e që promovojnë në ditët e sotme, diversitetin kulturor dhe kreativitetin. Muzeu “Marubi”, këtë vit ka ndërtuar një program i cili i kushtohet ekspozitës së përkohshme të vëllezërve Janaki e Milton Manaki, fotografë e kineastë, ndër më të rëndësishmit e Ballkanit të fillim shekullit XX, përmes punëtorive dhe kontributeve të studiuesve të fushave të ndryshme të cilët hedhin dritë mbi historinë e krijimtarinë e Manakëve apo trajtojnë rituale që i gjejmë të pasqyruara në imazhet e tyre. Duke nisur nga punëtoritë, pjesë e programit të edukimit mbi ekspozitën e duke vijuar me bisedat me Igor Stardelov, studiues e drejtues i arkivit të filmit në Kinotekën e Maqedonisë së Veriut dhe Mikaela Minga muzikologe e cila do të prezantojë me një hulumtim të sajin mbi muzikën arumuno-vllehe, ditët e trashëgimisë përmbyllen të shtunën në darkë, me shfaqjen e dokumentarit të regjisores Eliza Zdru, i cili zë fill nga një fotografi e ruajtur në albumin e famijes që e nxit të rrugëtojë nëpër Ballkan, në kërkim të gjurmëve të Janaki dhe Milton Manaki. Aktivitetet e Muzeut “Marubi” kushtuar Ditëve Europiane të Trashëgimisë do të vazhdojnë deri më 16 shtator.
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER