Markimi CE i produkteve elektrike, ISHMT kontroll subjekteve në treg

Inspektoriati Shtetëror i Mbikëqyrjes së Tregut (ISHMT) ka penalizuar 4 subjekte të tregtimit të produkteve elektrike në treg. Sipas ISHMT-së, gjatë kësaj jave janë kryer mbi 20 inspektime në treg, në produkte që mbulohen nga një rregull teknik si: frigoriferë, makina larëse, kondicionerë, furra shtëpiake, aspiratorë, aparate marrëse televizive, si dhe produkte që nuk mbulohen nga një rregull teknik si :adaptorë, priza dhe spina shtëpiake, etj. ISHMT bëri të ditur se gjatë kontrolleve në dy subjekte janë gjetur mallra të pamarkuara me markimin CE. ISHMT thotë se ka kryer bllokimin e produkteve pasi janë të pasigurta në treg për konsumatorët. Po ashtu, ISHMT vendosi dy masa administrative me vlerë nga 200 mijë lekë, pasi dy subjekte nuk kanë paraqitur dokumentacionin e kërkuar pranë Inspektoriatit. Gjatë inspektimeve, produktet u kontrolluan për informacionin e nevojshëm në gjuhën shqipe që duhet t’u disponohet konsumatorëve referuar Ligjit Nr.9902 datë 17.04.2008, ” Për mbrojtjen e konsumatoreve”, i ndryshuar. Subjektet gjithashtu u këshilluan për detyrimet ligjore që duhet.http://ata.gov.al/2022/08/19/markimi-ce-i-produkteve-elektrike-ishmt-kontroll-subjekteve-ne-treg/