Në tregun valutor vendas, euroja dhe dollari amerikan vijuan rënien në këmbim me lekun, krahasuar me një ditë më parë. Sipas Bankës së Shqipërisë, euroja zbriti këtë fillim jave në kuotën e 116.70 lekëve, ose 0.08 lekë më pak krahasuar me fundjavën. Ndërsa monedha e gjelbër amerikane u nënçmua me 0.67 lekë dhe këmbehet sot me 113.79 lekë. Luhatjet në tregut valutor po diktohen nga faktorë sezonalë.
Sezoni turistik ka hyrë në pikun e vet dhe pritshmëritë janë në favor të një mbiçmimi të mëtejshëm të lekut ndaj monedhave të huaja. Ndërkohë paundi britanik dhe franga zvicerane u këmbyen respektivisht në nivelet 139.28 lekë dhe 119.87 lekë. Monedha britanike fitoi terren me 0.22 lekë dhe ajo zvicerane u nënçmua me 0.30 lekë krahasuar me një ditë më parë.https://ata.gov.al/2022/08/01/leku-forcon-pozitat-ndaj-euros-dhe-dollarit-amerikan-3/
