Saturday, April 20, 2024
HomeSOCIALEKOSOVAKurti: Serbia paraqet rrezik për sigurinë dhe paqen në rajon

Kurti: Serbia paraqet rrezik për sigurinë dhe paqen në rajon

Kryeministri i Kosovës, Albin Kurti, ka thënë se shtetet jodemokratike në Ballkanin Perëndimor janë rrezik për sigurinë dhe paqen në rajon. Sipas tij, dallimi etnik nuk është ai që shkakton konflikt, por autokracia në Beograd e ndërlidhur me despotizmin në Moskë. “Konfliktet nuk janë ndëretnike, nuk është dallimi etnik ai që shkakton konflikt. Por është autokracia në Beograd e ndërlidhur me despotizmin në Moskë. Ne kemi paralajmëruar kaherë që shtetet jodemokratike edhe në rajonin tonë jo vetëm në lindje të Evropës janë rrezik për sigurinë dhe paqen. Natyrisht që këtë gjë hollësisht dhe thellësisht sikurse SHBA nuk mund ta dijë askush. Ajo çka bëjmë ne është se përgatitemi maksimalisht me krejt çka mundemi dhe dimë, andaj përuruam këtë qendër shtetërore për siguri kibernetike, për trajnime të cilat do të merren dhe do të ofrohen aty”, tha Kurti, pasi u pyet nga gazetarët se a mund të ketë konflikte ndëretnike, ku mund të përfshihet Kosova. Ai theksoi se integriteti territorial, sovraniteti dhe siguria e qytetarëve do të jenë të pacenueshme, pavarësisht kush e kërcënon atë. “Ne e kemi të qartë se fqinji jonë verior është agresiv dhe nevrik, por kjo na bënë të kujdesshëm dhe assesi të frikësuar”, shtoi ai. Këto komente Kurti i bëri pas inaugurimit të Qendrës Shtetërore Trajnuese për Siguri Kibernetike.

RELATED ARTICLES
- Advertisment -spot_img

Most Popular

Recent Comments