Kurti fton shqiptarët e Luginës : Tregoni që jeni aty

Kryeministri Albin Kurti ka ftuar të gjithë shqiptarët që jetojnë në Serbi, e në veçanti ata të Preshevës, Medvegjës dhe Bujanocit që t’i përgjigjen pozitivisht regjistrimit të popullsisë që do të vazhdojë deri më 31 tetor. Nëpërmjet një video-mesazhi në facebook, Kurti shprehet se regjistrimi për shqiptarët nuk është vetëm çështje statistike. “Ju ftoj që shtypjes t’i përgjigjeni me regjistrim. T’i përgjigjeni pasivizimit duke regjistruar çdo shqiptar. Edhe ata që gjenden me banim të përkohshëm në diasporë dhe Kosovë. Të dëshmoni me vendosmëri që jeni aty”, tha Kurti. Ai ka përsëritur se Serbia nuk është shtet demokratik, duke thënë se në rrethana normale dhe në vende me demokraci të zhvilluar, procesi i regjistrimit të popullsisë trajtohet si diçka e natyrshme.http://ata.gov.al/2022/10/02/kurti-fton-shqiptaret-e-lugines-te-marrin-pjese-ne-regjistrimin-e-popullsise-tregoni-qe-jeni-aty/