Ka nisur sot punimet konferenca studimore “Poliedriku Ernest Koliqi në 120-vjetorin e lindjes”, e organizuar nga Qendra e Studimeve dhe Publikimeve për Arbëreshët (QSPA), në bashkëpunim me Institutin e Gjuhësisë dhe Letërsisë (ASA), në ambientet e Fakultetit të Gjuhëve të Huaja në sallën “Europa”. Në fjalën hapëse, drejtoresha ekzekutive e QSPA, prof. Diana Kastrati falënderoi pjesëmarrësit e pranishëm në këtë konferencë dhe theksoi rëndësinë dhe peshën e poliedrikut Ernest Koliqi. Më pas, fjalën përshëndetëse e mori zëvendësrektori i ASA-s, Valter Memisha, i cili në fjalën e tij theksoi rolin e Ernest Koliqit në letërsinë shqipe. Ernest Koliqi është një figure poliedrike: shkrimtar, studiues, publicist, përkthyes, misionar i kulturës arbëreshe, themelues i Institutit të Studimeve Shqiptare pranë Universitetit “La Sapienza” në Romë, si dhe themelues i shumë veprimtarive e veprave monumentale. Pritet që kjo konferencë shkencore të sjellë të dhëna të reja që nxjerrin në pah rolin që pati figura e Ernest Koliqit në përndritjen e letërsisë e të kulturës shqiptare në përgjithësi dhe të universit arbëresh në veçanti, duke ndikuar në shumë forma për ringjalljen e ndërgjegjes së identitetit etnik. atsh
- Advertisment -