Në 8 maj të vitit 1952 lindi në Durrës, kompozitori shqiptar, me origjinë armene, Haig Zacharian. Në 45 vite krijimtari artistike numërohen një sërë veprash në gjini të ndryshme si vepra vokale, muzikë dhome, vepra instrumentale e simfonike, muzikë filmash e teatrale. Tridhjetë kolona zanore filmash artistikë mbajnë firmën e Zacharian: “Ilegalët”, “Dollia e dasmës sime”, “Njeriu i mirë”, “Dora e ngrohtë”, “Kohë e largët”, “Flutura në kabinën time”, etj. Për të gjithë kontributin e tij në Universitetin e Arteve, në Katedrën e Teorisë dhe Kompozicionit, mban titullin profesor. Është vlerësuar me çmime të shumta për krijimtarinë dhe aktivitetet e tij muzikore. Pas viteve 1990 krijimtaria e tij, përveç filmave është kryesisht në gjinitë e muzikës së dhomës, ku duken qartë tendenca të përdorimit dhe eksperimentimit në teknikat bashkëkohore të krijimtarisë muzikore. atsh
- Advertisment -