Kampioni i Ballkanit, Indrit Çullhaj

Xhudisti Indrit Çullhaj, kampioni i Ballkanit në vitin 2018 është pjesë e Ministrisë së Mbrojtjes dhe Forcave të Armatosura që nga viti 2021. Ministri i Mbrojtjes, Niko Peleshi u shpreh sot se, “xhudisti Indrit Çullhaj, mes sukseseve të shumta në arenën kombëtare ashtu edhe në atë ndërkombëtare, arriti të kurorëzohet si kampion Ballkani në vitin 2018”. “Duke përfaqësuar denjësisht flamurin kuqezi në botë, Indriti është pjesë e Ministrisë së Mbrojtjes dhe Forcave të Armatosura që nga viti 2021”, theksoi Peleshi në një postim në rrjetet sociale. Në shtator pritet të shkojë në Kuvend edhe ligji që parashikon dhënien e gradës kolonel për kampionët botërorë në sporte. Gjatë ceremonisë së organizuar në kryeministri për nderimin e boksierit Florian Marku, kryeministri Edi Rama deklaroi se, “tashmë është përmbyllur konsultimi publik, dhe ligji parashikon dhënien e gradave kolonel për sportistë si Luiza Gega, Briken Calja apo kampioneve olimpike të Kosovës, deri në daljen në pension”.http://ata.gov.al/2022/09/10/kampioni-i-ballkanit-indrit-cullhaj-pjese-e-fa-qe-nga-viti-2021/