Prefekti i qarkut Gjirokastër, Odise Kote në takim me strukturat e policisë kufitare e doganore në Kakavijë ka kërkuar standard evropian në ofrimin e shërbimeve ndaj qytetarëve. Gjithashtu ai kërkoi bashkëpunim të pandërprerë me autoritetet greke dhe marrjen e masave të shtuara për përballimin e fluksit në rritje gjatë muajit gusht e ditëve të para të shtatorit. Drejtori Rajonal i Kufirit dhe Emigracionit, Sokol Cana konfirmon takimet dypalëshe me autoritetet greke, masat e shtuara organizative dhe përgjigjjen në të njëjtën kohë me sportele të shtuara në të dy anët e kufirit, për rastet e shtimit të vizitorëve dhe automjetet e tyre. “Shërbimet që ofrohen janë të shpejta, profesionale e korrekte duke eliminuar radhët e gjata dhe problematikat gjatë kontrolleve. Shërbim sipas standardeve Evropiane, etikë komunikimi dhe respekt për Ligjin”, tha Kote.https://ata.gov.al/2022/08/02/kote-ne-kakavije-masa-te-shtuara-dhe-sherbime-te-shpejta-per-qytetaret/
- Advertisment -