Juve , e mund edhe Benfika

Veprimtaria më prestigjioze e klubeve të Evropës, Liga e Kampioneve, ka luajtur të mërkurën takimet e dyta të grupeve E, F, G dhe H, si dhe një takimin e vetëm të grupit A, atë midis Gllasgou Rejnxhërs dhe Napolit, që ishte zhvendosur me një ditë. Një nga duelet më të bukura ka qenë ai i grupit H, ku Juventusi ka pritur në fushën e vet Benfikën. Dhe kjo ndeshje ka nisur në mënyrën më të mirë të mundshme pë italianët, që gjejnë golin pas vetëm 4 minutash lojë, me anë të Milik. Por pjesa e parë do të mbyllet në barazim 1-1, pasi portugezët do të fitojnë një 11-metërsh, që shndërrohet në gol nga Zhoao Mario. Pjesa e dytë do të shohë Benfikën që të luajë më mirë dhe të rrezikojë më tepër portën e Juventusit dhe goli nuk vonon të vijë. Neres do të finalizojë një aksion të gjatë të miqve, duke mposhtur portierin vendas. Benfika do të vijojë të administrojë epërsinë dhe, megjithëse Juventusi përpiqet dhe shënon edhe një gol që anulohet për pozicion jashtë loje, portugezët e mbrojnë fitoren 2-1 dhe ndan kreun e renditjes së grupit, me nga 6 pikë, me Paris SG-në, që mundi 3-1 në Izrael Makabin e Haifas.https://sport.rtsh.al/artikull/juve-ne-kuoten-zero-e-mund-edhe-benfika